Tönn nr 4 fór í dag, eins og tönn nr 3 þá tók Ágústa hana sjálf. Í gær tókum við líka saumana sem þurfti að setja í hökuna fyrir nokkrum dögum síðan þegar Ágústa datt á leikskólanum. Saumatakan gekk betur en þegar saumarnir voru settir og fékk ég meira að segja að taka saumana.
update:
Þegar farið var að bursta tennurnar kom í ljós að það eru komnir að hálfu upp jaxlar líka beggjavegna niðri.
Ég er búin að koma upp myndaalbúmi á síðunni SmugMug. Ég vonast til að vera dugleg við að setja myndir þangað. Ég er með síðuna læsta en ef það er einhver sem langar að fá aðgang þá er annaðhvort hægt að finna mig á fb eða senda póst á tobbasn at gmail.com 
Hægt er að finna hlekk hérna hægramegin á síðunni til að komast í myndaalbúmið.
Við fórum í myndatöku til Jónu og er útkoman auðvitað frábær. Hérna eru nokkrar skemmtilegar myndir af Ágústu.
Stundum velti ég því fyrir mér hvað ég eigi í þessari snúllu, hún er svo lík pabba sínum.
Ágústa er búin að fá afmælisgjöfina sína frá mér, Halla, Skúla og Elínu. Þar sem hennar hjól er löngu orðið of lítið þótti það kjörið tækifæri að fjárfesta í nýju hjóli. Skúli og Ágústa eru búin að fara eitthvað út að hjóla en það gerðist í dag að Ágústa hjólaði ein og óstudd. Halli hjálpaði henni helling og á hann hrós skilið fyrir þolinmæðina á meðan mamman stóð hjá með hjartað í buxunum mest allan tímann.
Það er eitthvað við dreka og risaeðlur sem heillar Ágústu Rós uppúr skónum. Það lá við að fundinn hefði verið ómetanlegur fjársjóður þegar uppgötvaðist að á heimilinu er til bók sem fjallar um risaeðlur. Hvaðan þessi áhugi kemur er erfitt að segja þar sem enngin hefur haft neina sérstakan metnað fyrir því að kynna hana fyrir þessum útdauðu dýrum.
Námskeiðið með Martynas og Egle er búið Þetta var mjög skemmtileg helgi en ég gat því miður ekki tekið þátt eins og ég hefði augljóslega viljað. Bumban og grindin eitthvað að þvælast fyrir mér en ég tók samt þátt allahelgina þó ég væri ekki að dansa.
Komin 32 vikur á þessari mynd en hún er tekin 8. mars.
Þetta teppi er það sem er núna á prjónunum en það gengur bara vel að læra þetta nýja munstur Helgin nýttist vel í að potast áfram með það.
Ég er búin að vera að skoða í gegnum gömlu færslurnar og kemur ekki á óvart að það eru rosalega margar færslur um kisurnar mínar – sem ég hef átt og verið með tímabundið.
Kötturinn sem við erum með núna heytir Kisa og hún er algert yndi
Ágústa fór með pabba sínum til Bandaríkjana nánar til tekið til Orlando Flórída. Hún kom heim fyrir 2 vikum og er enþá að jafna sig á þessari stórmerkilegu upplifun Það sem hún segir við alla sem hún hefur ekki sagt frá ferðinni er ” ég fór í 6 skemmtigarða”. Ef hún hefur myndir fyrir framan sig þá vellur uppúr henni fróðleikurinn um hvað hún var að gera og hvað hún sá en ef hún hefur ekki myndirnar þá hefur hún ekki getuna til að segja frá. Hún er strax farin að bíða eftir því að fara út aftur en það er nú ekki neitt á dagskránni enþá.
Hvernig væri það, að fara að setja hérna inn fréttir af og til svona til að halda þessu við!
Hefur facebook ekki annars tekið allt svona með trompi og maður nennir ekki lengur að “blogga” …
